عندك حل لمشكله الاخت *س*ج*ح؟؟؟؟

السلام عليكم
كل سنه وانتو طبيبين

هحكي مشكلتي ويارب ماتملوش وانتو بتقراوها

قصة حبي بدات من بعد وفاة والدي كان جاري كنت بحترمو جدااا وكنا يادوب بنسلم على بعض وخلاص لحد ما احتجت حجات تبع شغلو فسابلي رقم تلفونووبعد وفاة والدي بفتره اتصلت بيه ولمتو ازاي مش عزاني فابويا وقال انو حضر العزا .المهم بعدها ابتدينا نتكلم فالموبايل لحد ما اتعودت عليه وبعدها دخل الجيش مع انو كان عندو 26 سنه وكان على طول بيكلمني لحد ما قال انو معجب بيا وانو هيتقدم لخطبتي اول ما الظروف تسمح وفضلنا كده لحد ما اتعلقت بيه وخلص الجيش وبقا مهندس دوله فشركة اتصالات وانا تقريبا كنت صغيره شويه وقتها وكل ما اقول لوالدتي هيتقدملي تقولي انتي لسه بتدرسي ولو كلمتي اخوكي على موضوع زي ده هتبطلي تخرجي وهتتعاملي معامله ناشفه لانو هيقول البت كبرت واحتمال مش يوافق المهم فضلنا على الحال ده وبصراحه مكنش ناقصني اي حاجه معاه بيشتريلي وبيجبلي لحد عندي وحبيتو اوي وحسيت انو عوضني عن ابويا وعن دنيتي كلها وظروف شغلو تخليه يخرج فاي وقت واوقات يبقا مشغول ومش اعرف اكلمو وكان الموضوع تاعبني اوي وجاب عربيه والقرش لعب معاه وانا مستنيه اتخرج وكل ما يجيلي عريس اطفشو من غير ما اقولي خواتي
لحد ما جت الصدمه واكتشفت انو بيخوني وانو كل اللي كان عايشو معايا عاشو معاها وهي اللي اكتشفت ده ودورت عليا وجت حكتلي تصورو حتى هيا بيقولها حبيبتي وسمعت تسجيلات وهو فالعسل وبيقلها بحبك تعبت واتجننت والبت لما جاتلي قالت انها مش بتحبو وان مسيرها تلاقي حد تاني يصرف عليها وانا عمري ما بصيتلو من المنطلق ده لاني عرفتو قبل ما يشتغل اساسا تخيلو لما عرفت ما عملش حاجه وفضل يجري وراها لحد مرجعها وجت حكتلي انو بيحبها وانو بيلحقها فكل مكان انا على الاقل كنت مستنيه منو يصالحني ووالله ما كنت هرجعلو بعدها فمره اتصل بيا وقال هاجي اخطبك فاخر الشهر بصراحه فرحت وقلت اهو عقل وطلع بيحبني ورجعني ليه وبعدها نفض على موضوع الجواز ورجعلها اتصدمت تاني ووالله هتجنن وكل شويه بسمع انو مع البت دي وانو على طول بيوصلها مع انها والله بنت اخلاقها وحشه بس فاكر انو عشان مراقبها هيعرف يشكمها انا والله بنت عيله وعلى خلق ودين وهو عارف كده ووالدتو نفسها تناسبنا بس ليه بيعمل معايا كده واشمعنا هي راح معاها انا بحبوووووو واتعودت عليه انا بقالي 5 سنين معاه واتخرجت السنه دي والعرسان ابتدت تظهر وانا كرهت الرجاله بس برضو جوايا بيحبو واتعودت عليه وفاي مشكله بلجالو لان امي عودتها اني هتصرف وكان هو فكل شي بيساعدني واخر مشكله برضو لجاتلو لان مليش غيرو وساعدني وحاول يرجعني ولما كلمتو عنها سابني ومعدش بيكلمني كلو هيقولي سيبيه انا مش قادره انساه ومتغاظه اشمعنا البنت دي دي والله اللي خلاها تمسك فيه لما عرفت اني بحبو وبقت بتكلمني وبتهددني فالتلفون لحد ما غيرت الشريحه وتقولو عني حجات استغفر الله العظيم
ساعدوني وريحوني الله يكرمكم

إلي إاختى الحائرة / س*ج*ح

السلام عليكم ورحمة الله وبركاته ,,

أولاً, مرحباً بك في منتدانا العائلي الجميل.

ثانياً, كل عام وأنت بخير بمناسبة عيد الفطر المبارك.




ثالث, لك أن تحمدي الله أنك أكتشفتي كذبه قبل أن يعرف أخوك

بالموضوع, المشكلة ببساطة أنه رجل يحب أن يتسلي مع البنات,

وبالطبع هو لا ينفع أن يتزوج لأنه يتسلي بك وبغيرك.

نصيحتي لك يا إبنتي أن تنسيه تماماً وأن تفتحي بابك للخطَّاب

الذين يطرقون بابك من أجل الزواج الحلال.

إبنتي هذا الشخص لا يستحق أن تحزني من أجله ولا أن تفكري فيه

لأنه لن يتزوج ولن يستطيع أن يفتح بيتاً ويكون مسئولاً عنه.

إحمدي ربك أنك لم ترتبطي به من الأصل لأن لو حدث ذلك كانت المشكلة

ستكون كبيرة بالنسبة لك, حاولي أن تنسيه بالمرة واغلقي محمولك

تماماً أمام أي محاولات للرجوع لك.

مرة أخري يا إبنتي التفتي لنفسك وافتحي بابك لمن يأتي لك خاطباً,

من قبل أن تندمي ويفر الخطَّاب منك واحداًَ بعد الآخر.

أسأل الله العظيم رب العرش الكريم أن يهدي لك قلبك وأن يرزقك

بالزوج الصالح, إنه ولي ذلك والقادر عليه.

وآخر دعوانا أن الحمد لله رب العالمين.
اخوكى *** ادمن * توان

ِ

:00:
اختي الحائرة
اود ان اقول لكي ان الله يحبك انكب تعرفتي علي حقيقتة الان قبل حدوث اي ارتباط رسمي واحمدي ربنا انكي لم تتحدثي مع اخوكي عن هذا الشخص .اود ان اقول لكي يئا اخر انا اعلم كل العلم ان كل شئ فياالاول صعب انتي متخيلة انك مش هتقدري تنسية لانه كل روحك وانه قادر علي رعايتك وحمايتك انتي حاسة بكدة لانك ماحاولتيش تنسية في يوم من الايام او لانك متخيلة انك هتموتي لو بعدتي عنه صدقيني مفيش حد بيموت من الحب لازم تحاولي تنسية بل وتكوني متاكدة من انك قادرة علي نسيانه واعتبرية صفحة وانطوت من حياتك بل ولم تكتب من الاصل .
ثالث شئ احب ان اقولة لكي لابد ان تفتحي قلبك وعقلك للخطاب الذين يدقون علي بابابك وتقبلي احد الاشخاص التي ترتاحين له وليس معني كلامي ان تواقفي بدون تفكير وتدبر انا لا اطلب منكي الموافقة الان ( لكن لابد ان تعطي لنفسك هدنة حتي تستطيعي ان تقيمي الامور بعقل راجح حتي لا تشعري بالندم في يوم من الايام علي اختيارك )
كما ان هذا الشخص لايستاهل نقطة من دموعك التي تزرف عليةيوميا لانه شخص بلا قلب ولا يقدر المسئولية كما انه بيلعب ببنات الناس وربنا هينتقم منه ان شاء الله
مع تحياتي اختك ريمممممممممممممممممممممممممممممممممممممممممم

تسلم ايدك حبى ْ_ْ
:ب4:

لازم نختار الانسان النحبه ويكون محل سقه ويستاهل الحب ده