تحديث الصفحة :: قلبك مش بيخشع :: × :: عينك مش بتبكى ؟؟؟ ::

بسم الله الرحمن الرحيم

إن الحمد لله نحمده و نستعينه و نستغفره و نعوذ بالله من شرور أنفسنا و سيئات أعمالنا. من يهده الله فلا مضل له. ومن يضلل فلا هادي له. و اشهد أن لا اله ألا الله وحده لا شريك له و اشهد أن محمدا عبده و رسوله.

﴿يَا أَيُّهَا الَّذِينَ آمَنُواْ اتَّقُواْ اللّهَ حَقَّ تُقَاتِهِ وَلاَ تَمُوتُنَّ إِلاَّ وَأَنتُم مُّسْلِمُونَ﴾

﴿ يَا أَيُّهَا النَّاسُ اتَّقُواْ رَبَّكُمُ الَّذِي خَلَقَكُم مِّن نَّفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالاً كَثِيرًا وَنِسَاء وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيبًا﴾

﴿يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا° يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَن يُطِعْ اللَّهَ وَرَسُولَهُ فَقَدْ فَازَ فَوْزًا عَظِيمًا ﴾

إن اصدق الحديث كتاب الله، و خير الهدي هدي محمد صلى الله عليه و سلم وشر الأمور محدثاتها، و كل محدثة بدعة و كل بدعة ضلالة و كل ضلالة في النار.

>> انت هتعملنا فيها شيخ من اولها ... سلاااام ياعم
>> اصبر يا عم انت بس اسمع بس للاخر
.. .. .. .. .. .. ..
.. .. .. .. ..

احنا عايزين نتكلم عن خشوع القلب وبكاء العين !!
( انا مش بعيط كل الناس بتعيط وانا لأ .. انا مش حاسس بالخشوع فى الصلاه وعند سماع القران والدروس والدعاء ..قلبى حجر ! )
مين مننا عنده المشكلة دى ؟ انا اولكم .. مين تانى حاسس بكدا ؟ ؟
وعشان كدا انا حاولت اجمع مجموعه من المواضيع وسمعت بعض الدروس اللى بتتكلم
عن الخشوع وقسوة القلب وعدم البكاء وتجمد الدموع فى العينين وإن شاء الله هنلخص ونشوف أهم النقط دى بأسلوب يناسبنا ونفهمه وربنا يقدرنا ويوفقنا
ان اصبت فهو من الله وان اخطأت فهو مني ومن الشيطان

..
..
الاول عايز بس افكركم بالدعاء ده اللى كنا بنسمعه بصوت الشيخ الشعراوى الله يرحمه زماان ؟

" اللهم إني أعوذ بك من علم لا ينفع ، ومن قلب لا يخشع ، ومن نفس لا تشبع ، ومن دعوة لا يستجاب لها "

اللهم امين يارب
.. .. .. .. .. .. ..
.. .. .. .. ..

هنقسم الموضوع لخطوط عريضة عشان يكون الموضوع منظم وأسلوبة سهل وبسيط

::: أسباب قسوة القلب :::
::: نصائح لترقيق القلب (ازاى نتخلص من القسوة دى) :::

......................
.......

::: أسباب قسوة القلب :::
عشان نعرف علاج المرض لازم نعرف اسبابه
واسبابه كتير وهى بشكل عام " الذنوووووب "
فيه راجل اسمه مكحول بن شهراب وده فقيه الشام قال مقولة حلوة اوى اوى
" أرق الناس قلوباً أقلهم ذنوباً."
..

- مشاهدة مقسيات القلوب مثل الاغانى والكليبات والافلام والمسلسلات
الغفلة، وطول الأمل، وعدم مراقبة الله، واستشعار عظمته، وقوته، وجبروته، وانتقامه، ورحمته، ولطفه وفضله، وجوده، وكرمه.
ومن أسباب قسوة القلوب:
- عدم المحافظة على الصلاة مع الجماعة وعدم الإتيان إليها مبكرا.
- هجر القرآن وعدم قراءته بحضور قلب وخشوع وتدبر.
- الكسب الحرام من الربا والغش في البيع والشراء والرشوة ونحوذلك.
- الكبر والانتقام للنفس واحتقار الناس والاستهزاء بهم.
- الظلم.
- الركون للدنيا والإغترار بها ونسيان الموت والقبر والدار الآخرة.
- النظر المحرم إلى النساء أوالمردان.
- عدم محاسبة النفس وطول الأمل.
- كثرة الكلام بغير ذكر الله عز وجل، كثرة الضحك والمزاح، كثرة الأكل، كثرة النوم.
ومن أسباب قسوة القلوب :
- الغضب بلا سبب شرعي.
- السفر إلى بلاد الكفر للسياحة .. عشان اللى بنشوفة هناك من مثيرات للشهوة وسهولة عمل المعاصى

- الكذب والغيبة والنميمة.
- الجليس السوء.
- الحقد والحسد والبغضاء.
ومن أسباب قسوة القلوب:
- إضاعة الوقت بغير فائدة وعدم استغلاله في المفيد.
- الإعراض عن تعلم العلم الشرعي.
- إتيان الكهان والسحرة والمشعوذين.
- استعمال المخدرات والمسكرات والدخان والشيشة (النارجيلة) والمعسل.
- عدم قراءة أذكار الصباح وأذكار المساء.
- سماع الأغاني ومشاهدة الأفلام الخليعة والمجلات الهابطة.
- عدم الاهتمام بأمر الدعاء.

......................
.......

::: نصائح لترقيق القلب (ازاى نتخلص من القسوة دى) :::
بعد ما عرفنا كل الاسباب اللى فوق نبعد عنها بئى
اشطه اوى لحد كدا

اول حاجة لازم تعرفها ان الخشوع بيجي بالتدريج مش مرة واحد تصحى هوبا هوب هوب تلاقى نفسك بقيت بتخشع وبتعيط
لا الخشوع بيجي بالتدريج كأنك روحت مثلا صالة جيم مش من اول يوم هتلاقى طلعلك مجنوس هنا وترباس هنا وقفل هنا وفان دام بئى
لا كل حاجة بتيجي بالتدريب والتدريج يعنى لازم الصبر والاستعانه بالله ونمشى فى الامر خطوة خطوة

>> طب فل ادخلنا بئى فى المفيد وانجززززززز

>> طيب يا عم انت وهى بص هما 9 حجات

>> نعم يا عوومر !

>> هنقولهم بسرعه وانجاز متخافوووش

...
..
..
...

اول حاجة الدعاء والاستعانه بالله :
طبعا مين اللى يقدر يخلينا نخشع ويعينا على الخشوع ويرقق قلبنا ؟؟
مين اللى يقدر يعمل كدا ابوك ولا امك ولا الشيخ فى الجامع ولا مين ؟؟
طبعا هو ربنا اللى يقدر يعينك على كدا ودا هيكون بالدعاء والنيه انك بجد عايز تخشع وترقق قلبك بئى
شوفوا ربنا بيقول ايه .. ايه سمعناها كتير بس اسمعها المرة دى بقلبك وحسها
e] وإذا سَأَلَكَ عِبادي عَنِّي فَإَنِّي قَريبٌ أُجَيبُ دَعْوَةَ الدَّاعِ إِذا دَعانِ ]]
ايوة ربنا قريب منك وربنا بيفرح بعودة العبد اليه وتوبتة والدعاء ليه
قال رسول الله: صلى الله عليه وعلى آله وسلم: " إن ربكم حيي كريم يستحي من عبده إذا رفع إليه يديه أن يردهما صفرا "

اظن خلاص خلص الكلام مش محتاج اكتب اى كلام تانى فى النقطة دى

تانى حاجة حب الرسول وحب المؤمنين ! :
ايه علاقة حبى للرسول والمؤمنين بالخشوع يا عم انت ؟؟ طب اسمع الرسول صلى الله عليه وسلم بيقول ايه
قال صلى الله عليه وسلم: (ثلاثٌ من كنَّ فيه وجد بهنَّ حلاوة الإيمان: أن يكون الله ورسوله أحب إليه مما سواهما، وأن يحب المرء لا يحبه إلا لله، وأن يكره أن يعود في الكفر بعد أن أنقذه الله منه كما يكره أن يقذف في النار)

تالت حاجة اعمال الخييير :
كتر من اعمال الخير فى الخفاء خصوصا المسح على رأس اليتيم واطعام المساكين
زى ما قال النبى صلى الله عليه وسلم
"رجلا شكا إلى النبي صلى الله عليه وسلم قسوة قلبه، فقال: امسح رأس
اليتيم، وأطعم المسكين"

رابع حاجة غض البصر :
قال الرسول صلى الله عليه وسلم: (النظرة سهمٌ مسمومٌ من سهام إبليس، فمن تركها من خوف من الله، أثابه الله عز وجل إيمانًا يجد حلاوته في قلبه)

خامس حاجة عمل كل الاعمال بنية انه لوجه الله !! :
قال صلى الله عليه وسلم عن صنفٍ من الأصناف السبعة الذين: (يظلهم الله بظله يوم القيامة يوم لا ظل إلا ظله... ورجلٌ ذكر الله خاليًا ففاضت عيناه)
كل نيةٍ أو قولٍ أو فعلٍ أو فكرٍ في الإسلام له دوره في ترقيق القلب وقربه من ربه وتوكله عليه وإحسان معاملاته، فيحيا المسلم سعيدًا مطمئنًا في الدنيا ومستبشرًا بانتظار أعظم الثواب وأعلى الدرجات في الجنة في الآخرة.

سادس حاجة معرفة اسباب قسوة القلب عندنا :
يعنى زى ما شوفنا وعرضنا جميع اسباب قسوة القلب شوف انت بتعمل اية منهم
واعكسه وحاول تبعد عنه

سابع حاجة فكك من اصحاب السوء :
اصحاب السوء بئى اللى مقضينها حشيش ومعاكسات وسهرات وعربيات ... ومظروتين الجى ومضيعين الدى (الجى : الدماغ ) (الجى :الجمجمة)
عمرك وسطهم ما هيكون قلبك سليم او فية خشوع انما حاول تصحاب الناس المحترمة اللى تعرف ربنا دول اللى يعينوك على الخير ودا ليه دور كبير فى ترقيق القلب
تعالوا نسمع الايه دى من سورة الفرقان
قال تعالى:{ وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً * يَا وَيْلَتَى لَيْتَنِي لَمْ أَتَّخِذْ فُلَاناً خَلِيلاً * لَقَدْ أَضَلَّنِي عَنِ الذِّكْرِ بَعْدَ إِذْ جَاءنِي وَكَانَ الشَّيْطَانُ لِلْإِنسَانِ خَذُولاً }

تامن حاجة معرفة الله وتدبر الكون وايات القران :
فأعظم سبب تلين به القلوب لله عز وجل وتنكسر من هيبته المعرفة بالله تبارك وتعالى، وما من شيء في هذا الكون إلا ويذكره بذلك الرب.فمن عرف الله رق قلبه من خشية الله تبارك وتعالى.
ومن يديم التفكر في ملكوت الله،والتدبر لآيات الله , يجد في قلبه رقة و خشوع وانكسار إلى الله تبارك وتعالى.

تاسع حاجة تذكر الموت دايماً وزيارة المقابر وحضور الدفن وزور المرضى:
والله بجد من اكتر االحجات اللى بتذكر الواحد باخرته ونهايته وانه مش هياخد من الدنيا اى متعه ولما بتشوف المريض وهو بيتألم وتحس بنعمة ربنا عليك وانت واقف سليم

او تشوف الميت فى الكفن وداخل القبر الضلللمه - ربنا يثبتنا عند سؤال الملكين ويحسن ختامنا -
وتشوف نفسك واقف حى ولسة عندك فرصة وربنا صابر عليك وعلى معاصيك وانك مش مكانة دلوقتى بتتحاسب على اعمالك لكن ان حى ولسة عندك فرصة
دا شئ بيرقق القلب جدا جدا

صلى الله عليه وسلم يقول: "إني كنت نهيتكم عن زيارة القبور ألا فزوروها فإنها تذكركم بالموت"

ان اصبت فهو من الله وان اخطأت فهو مني ومن الشيطان __________________

هذه الصورة مصغره ... نقره على هذا الشريط لعرض الصوره بالمقاس الحقيقي ... المقاس الحقيقي 560x300 .

تحديث الصفحة :: قلبك مش بيخشع :: × :: عينك مش بتبكى ؟؟؟ :: Kfaya

:س2: :س2: بس كبيري الخط يا شط :ضصثقف: :ضصثقف: qqqq

تحديث الصفحة :: قلبك مش بيخشع :: × :: عينك مش بتبكى ؟؟؟ :: 35310

تحديث الصفحة :: قلبك مش بيخشع :: × :: عينك مش بتبكى ؟؟؟ :: 264904

تحديث الصفحة :: قلبك مش بيخشع :: × :: عينك مش بتبكى ؟؟؟ :: 928151

تحديث الصفحة :: قلبك مش بيخشع :: × :: عينك مش بتبكى ؟؟؟ :: Attachment

.ms-simple3-main { border: 1.5pt solid black; }.ms-simple3-tl { border-style: none; font-weight: bold; color: white; background-color: black; }.ms-simple3-left { border-style: none; }