برنــــــامج ( حوار من القلب للقلب ) - الى شباب (أولاد -بنات) الدخول للأهميه, لأول مرة موضوع هادف للجميع

السلام عليكم ورحمة الله وبركاته



أهلا بيكم جميعا

أخواتى - أصدقائى
شباب من ( بنات - أولاد )

طبعا كلنا هنا واحد وهنفضل أن شاء الله واحد
بنتكلم وبنحكى على الى بيدور جوانا من مشاعر وكلمات وأحساس

بس صدقونى ناقصنا حاجه واحد هى روح التعاون والتفاعل
ان ياما نزلت موضوعات قبل كده وكنت بتمنى وبحلم ان ألاقى صدى اكبر بس للأسف بشوف العكس
فى نفس الوقت انا موش هيأس لأن دى بجد رسالتى ونفسى فعلا اقدمها ليكم انتم وأكملها معاكم
علشان نقدر نقاوم حياتنا ونواجه الصعاب الى بنقابلها

----------------
حوار من القلب للقلب

نفسى بجد انك تتكلم انت وهى وأنا معاكم
كلنا نقول الى جوانا
نقدر نشارك رأينا لبعض نقدر نفهم بعض أكتر ونقرب المفاهيم
-لو مضايق من حاجه تقدر تحكيها هنا معانا وانا وغيرى هيسمعك !
-لو نفسك تقول جملة حب قولها وأحنا كلنا هنقدرك !
-لو عايز تقول اى حاجه خاصه بحبك ؟؟ اتفضل فى الموضوع ده كلنا معاك !
-لو قادر تحكى قصتك أحكيها ممكن نتعلم منك وهنكون فى أمان !
الموضوع من الاخر يااجماعه حرية ليكم
عبر عن نفسك : ( زى ماانت عايز ليك حريتك )
عايزين نفضفض ونتكلم ونكون مع بعض دايما

عايز كل واحد منكم فعلا يحس انه فى بيته او فى مكان بيرتاح فيه
كلنا هنا أخوات

ياريت كل الى يدخل الموضوع يتكلم ويعبر عن الى جواه

موش عايز احس بجد انى عملت شىء مالهوش قيمة
عايز فعلا احس بيكم ونحس كلنا ببعض ااننا بنقدم شىء كويس
ونرتقى بقلوبنا ونعبر عن الى جوانا بشكل جميل متميز

ياريت محدش يتحرج ان يتكلم ويعبر عن نفسه !
ياريت فعلا تحس انك هنا فى امان وكلامنا كله أسرار !
ياريت محدش يتكسف ويقرأ الموضوع وميتكلمش معانا !
فكر مرة وأتنين وشارك .. ولما هتشارك غيرك هيشارك ويكون الموضوع ليه أهميته وكلامك ليه معنى وكلنا هنقدروا
لازم لازم بجد نكون ايد واحده !

انا فى أنتظار المشاركات الجاده من الجميع
وأتمنى الأستمرار
وانا واثق فيكم اننا هنعمل موضوع مفتوح (حوار من القلب للقلب )

طبعا انا موش هقدر أقدم موضوعات لوحدى ولاأكتب كلام وخلاص
لازم كلنا نفوق بقى ونتحرك ونكتب ونعبر عن الى جوانا
نعيش بجد ونعيش صح
ياترى مين معايا فى الموضوع ومين هيتكلم ومين هيعبر مين هيفضفض يالا انا فى الأنتظار

مع خالص حبى للجميع

تعرف يا علاء احنا بجد ناقصنا اننا نتكلم من قلبنا من غير خوف او حرج بس تعرف انا مش بتكسف اتكلم عن نفسى او عن عيوبى بص انا اوحش عيوبى انى عصبيه زياده ومش باخد بالى من كلامى وانا بتكلم يعنى اللى فى قلبى على لسانى وده ممكن يكون بيزعل ناس كتير منى بس مش عارفه اعالج عيوبى لو عندك علاج ابقى قولى وطبعا عندى مميزات بس طبعا مش هفضل اشكر فى نفسى المهم الحمد لله على اى حاجه يديهالنا وتعرف انا مليش حظ مع اصحابى عمرى مكان ليا صحبه تحبنى لنفسى وبس ودى حاجه مزعلانى اوى واللى ريحنى شويه بجد من غير مجامله انى عرفت كل اللى عالمنتدى بجد ناس كويسين ومحترمين اوى وبحس انهم اخواتى بجد
وعايزه اشكرك اوى عالموضوع ده عجبنى اوى ويا رب يا علاء تكون من احسن لاحسن واشوفك ديما بخير وكويس

تعرفى دموع اعترافك بعيوبك ده اكبر واحسن ميزه فيكى..... :ىةىى:

شكرا ريم ع ردك الجميل....... :تتت:

لما تكون موجود وجهة رسالة لنا ننزل شات مع بعض نتكلم


وكل واحد يقول وجهة نظرة

ونكمل بالمواضيع