نكت رخمه اخر حاجه

نكت رخمه كده :س2:

واحد صعيدي عمل 2 إيميل، واحد دوت كوم للشتاء وواحد نص كوم للصيف

عريس بيقول لعروستة لازم تعرفي ان كلمتي في البيت زي الساعه
بصتلو بنظرت غضب...قالها يعني لا بتقدم ولا بتأخر

واحد غبى راح لواحد بياع تيليفزيونات بيسأله عندك تليفزيونات ملونة البياع قال له ايوه راح قايله ادينى واحد أخضر

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه

مرة واحد غبي ماشى فى الشارع قال يارب يارب احط ايدى في جيبى الاقى 10جنيه يارب،
حط ايده في جيبه لاقاه مخروم رجع يدور عليها لتكون وقعت

دي نكته للرخمين القرع