نصائح كيف تصطادين عريسا

يا
سلام.. دلوقتى كلكم جايين جرى عايزين تاخدو نصايح.. ماهو يعنى لو انا عندى
معلومات قيمه اوى كده .. كان زمانى نفعت بيها نفسى واتجوزت .. او عالاقل
.. نزلتهالكم بفلوس ونقب بقى على وش الفته حاجه غريبه واللهى
هههههههههههههههههههه المهم . ان عنوان التوبيك ده .. هو نفس عنوان كتاب
نزل فى الاسواق وكسر الدنيا .. بيتكلم عن ايه الحاجات اللى يجب اتباعها
للايقاع بعريس .. واعذرونى.. لان الكتاب على قد ماهو بيتكلم احيانا بشكل
منطقى جدا لكنه جاى غالبا فى قالب كوميدى وساخر جدا .. الغريب ان الكتاب ده
نفذت طبعاته بشكل رهيب بمجرد طرحه فى الاسواق !!! ودى الحاجه اللى خلت
حواجبى توصل لحد الدور الاربعتاشر هو ايه الكتاب ده .. وهل صحيح الاشاعه
اللى بتقول انه فيه عفريت بيطلع اول ما تفركه يجيب عريس من الاخر .. ولا دى
تهيؤات ؟؟ وكأن اصلا احنا قصاد بحر مليان عرسان بس هى كل العقده
والمشكله.. ازااى تصطادهم .. يعنى مافيش بقى لا بطاله و ولاالعيشه واللى
عايشينها ومافيش انحلال ومافيش قيم متغيره عند العرسان والعرايس.. هى السبب
فى ده !!! كأن كل حاجه من دول اربعه وعشرين قيراط بس يا عينى يا ليل
المشكله فى ازاى طريقه الاصطياد ومش عايز حد بقى يطلعلى من تحت الكنبه كده
يقولى .. القسمه والنصيب يا عم لانى حرد عليه .. واقوله .. قسمه ايه ونصيب
ايه ؟؟ اسأل اي ام .. اسأل اي خاله .. اسأل اى حد حيقولك لاااااااااا ..
نصيب مين يا عم الحج .. الموضوع فهلوه وشويه حركات .. تعم بيهم البركات .
يالهوى يامه ؟؟ هى بقت كده .. حتى النصيب شكينا فيه ؟؟ اهااااااااا قولتولى
بقى ... يبقى انا كده عرفت بقى ايه بيحصل حواليا وايه مبرراته شكلى انا
اللى موش فاهم اقولكو حاجه ... واضح ان الموضوع كبير .. اللى مش قد الحرب
دى ما يقراش الموضوع ده .. اصلى ناوى اوجعلكم دماغكم بصراحه .. فاللى واره
شغلانه ولا نفسه ياخد شاور جل .. ولا كلامى حسسه بالجوع .. يتفضل يقوم ..
وما يقلقش .. انا حجيبلك شويه مواضيع فرفشه حتظبط الدنيا .. عشان اللى
حيقعد بس الناس اللى بتفكر فى الصيد احم احم .. اقصد يعنى اللى عايز يتجوز
... هو فى ايه .. هى بجد الحكايه بقت معقربه كده ليه ؟؟ هى الحكايه مالها
بجد فتحت الباب للمتاجره .. ولاصحاب القلوب الضغيفه والضمائر الاستك ..
للمتاجره بالاحلام .. والرغبات .. تفتكرو هى مستاهله كل ده ؟؟ طبعا وبما ان
الكلام والعنوان شكلهم ظاهريا موجه ليكى يا حوا .. لكن فى الغالب .. هو
موجه لاى حد .. راجل وست .. اسألى نفسك نفس السؤال ده .. وبصوت عالى (
بليييز ) .. عشان يفتكروكى مجنونه وتروحى العباسيه.. وبرضه مش حتلاقى عرسان
هناك...( ههههه ضحكه شريره ) مفيش فايده .. صدقينى مافيش فايده .. طول
مانتى الهدف بالنسبالك عريس .. يبقى انسى وصدقينى ممكن تظبط معاكى وتلاقى
بس برضه غالبا حتفركش فى الاخر .. لان الرغبات .. بتخفى عيوب المرغوب حقولك
مثال .. يعنى انتى لما بتكونى جعانه اوى اوى اوى .. بقالك كده ييجى 6 اشهر
ما كلتيش .. اول حاجه بتعمليها اول ما تدخلى البيت ؟؟ .. بتيجى رايحه
عالتلاجه وتنكشى فيها كده وكأنك مدمنه ياعينى .. وتدبى ايدك فى اى حته
واللى حيطلع فى ايدك حتاكليه .. ان شالله يكون حتى كيس بلاستيك .. ولا قمع
خياره اخوكى قرمها ورماها تانى فى التلاجه.. مانتى جعانه .. حتقطعى نفسك
يعنى ..؟ بالذمه .. فرقت معاكى مره وقعدتى تقولى لا دى دلعه ولا ساقعه ولا
مشطشطه ولا غيره .. لااااا طبعا ..بتاكلى لحد عالاقل ما تحسى بنوع من الشبع
وبعدها تبتدى قرون استشعارك تشتغل وتطلعى القطط الفاطسه فى الاكل .. وربما
تقومى تقفى فوق الترابيزه بتاعت الاكل وتهتفى خطبه حماسيه فى محاربه
الكوسه السقعه ولا الجبنه الاسطمبولى مش بذمتك ده اللى بيحصل .. ويمكن
مامتك تكون عامله اكله معتبره.. وخلاص فاضل ربع ساعه والاكل يستوى .. بس
برضه مافيش فايده .. بتاكلى ولا يهمك هى كده نفسسسسس الحكايه طول مانتى
عايزه عم هولاكو اللى حييجى ينقذك من براثن الوحده .. ويقولك بحبك ويضمك
ويلبسك دبله ودقو المزاهر ياهل البيت تعالو طول مانتى بتدورى على غايه موش
هدف .. يبقى انسى... لان الغايه .. هى مكان بتوصليله ..باى طريقه . لكن
الهدف .. هو مكان بتوصليله بس عن طريق شروط معينه ومقاييس معينه هو ده بقى
مربط الفرس الكلام المتعارف عليه بتاع الستات واللى بيعتمودها كطرق ايقاع
بالعرسان .. الحاجات الهبله اللى بتحصل فى المناسبات .. الافراح
والاجتماعات وخلافه الاف الماركات والكيلو جرامات اللى بتلون وشوش البنات
فى نفس المناسبات دى ناهيك عن اللبس الكلمات المعسوله والنظرات اللى من تحت
الرموش الحركات القرعه فى التظاهر بالانوثه المزيفه واللباقه والعمق
الفكرى كوووووووول ده ادم فاقسه .. وانا بتكلم عن ادم الراجل .. موش ادم
اللى هو ( عاش يا مان ) الراجل ده بقى كووووووول ده موش هو اللى بيلفت نظره
كووووووووول ده انا اللى بقولك تعب وحرقه دم واعصاب عالفاضى .. مافيش حد
من اصحابى عجبته واحده فى فرح .. الا اعجاب شكلى .. او يمكن تكون بترقص حلو
.. فتداعب فى مخيلته انه حيبقى شهريار اللى ماسك الشيشه ومرجانه واقفه
وراه تهوى عليه ولا احسن كوز دره .. يعنى.. اعجاب خارجى بس ..وساعات
السناره تشبك .. ويقيمو المراسم .. وتبقى زيييطه والكل فرحان.. واحلى لحظات
التوافق غالبا حتكون وهما بيرقصو فى ليله الدخله .. بعدها ابقى قابلنى ..
وسنه ( ويمكن اقل ) تبص تلاقى بقى شكل الحياه الفعلى بعد ما الصبغه راحت
والميكب ساح .. وساح معاه كل حاجه متخبيه .. وتكتشف هي انها اكلت اكله وهى
جعانه .. وهو فرح بالبهرجه والمنظره والكام حركه فهلوه بتوعها ... نفسك
تكون او تكونى بطل من ابطال حكايه زى دى ؟ . حتردى دلوقتى وتقولى بينك وبين
نفسك .. انا موش بدور ولا بعمل الحاجات دى عشان اصطاد حد انا بعمل ده عشان
نفسى .. وموش عيب انى ابقى عايزه ابان حلوه .. ولا انى يبقى ليا مشيه كلها
رقه .. موش عيب انى اعامل الناس بشكل حلو .. وما يهمنيش يقولو ايه ولا
يحسو ايه .. ارد انا واقولك حلو اوى ده .. لكن احيانا احنا بنبالغ فى ده ..
واحيانا كمان ما بنعملش حساب ان الاخرين بتختلف نظرتهم وثقافتهم وطباعهم
.. يعنى مش كل الناس حتشوفك بنفس الشكل .. يبقى ايه المقياس هنا ؟؟.. انك
تبقى وسطيه جداااااا وده اللى حقولهولك بالتفصيل .. بس اصبرى عليا شويه
....... واحده تانيه ترد تقولى .. مصطفى ما تنرفزنيش .. انا عصبيه وممكن
اتعصب واتهور .. وانت متعرفنيش .. طب في ايه طيب ؟؟ .. تقولى ... انا ضد
اصلا الفكره دى ولا بعمل مكياج وانا رايحه فرح ولا لما بييجى صحاب اخويا
بطلع من اوضتى اصلا .. ولا بنزل ولا بروح ولا باجى .. ولبسى اكتر ما بيهمنى
فيه العمليه .. واسلوبى .. اكتر ما بيهمنى فيه انه يكون محترم وشكلى محترم
.. وده كل اللى عندى وبقولك اهو .. ما تنرفزنيييش .....!!!! .. طب وهو
مصطفى اعترض ولا فتح بقو حتى .. ما ده حلو جدا برضه .. بس تفتكرى ان كل
الناس عندهم النظره الثاقبه اللى يعرفو بيها جوده الحاجه وهى فى وسط
مليوووووووون حاجه تانيه مبهرجه وبتلمع وريحتها جايبه لحد اخر الدنيا انتى
اه بتسعدى نفسك وبتحافظى على مبادئك وقيمك لكن .. البياع لو ما كانش شاطر
.. وما كانش عنده حاجه تميزه .. حيفضل ينش طول النهار ... اختى العزيزه انا
موش ضدك .. ولا عايز ازود همومك ولا اشغلك بافكار ما انا بس عايزك تعرفى
.. هى ايه الحكايه بالظبط .. هو ادم بيشوفك ازاى .. لما بتروحى عند بياع ..
وتلاقيه عمال يقولك البضاعه بتاعتى اخر حلاوه وبتنور وبتدوس على بطنها
تسقف .. ولو عايزها تطير حتطير .. بتقلقى .. وبتبقى بتقلبى فى البضاعه
وانتى اصلا قلقانه .. لان الراجل اداكى ايحاء بالقلق ... وحتى لو اخدتيها
.. بتبقى اخدتى قرار الشراء وانتى لسه ما عرفتيش مواصفات الحاجه .. وتقعدى
طول الوقت محضره نفسك ان الحاجه تبوظ او تفسد .. ولو برضه جيتى تسأليه ورد
عليكى عن تفاصيل الحاجه بطريقه هادئه جدا وتحسى انه حينام وهو بيقولك عليها
.. برضه بتتخنقى من الحاجه وتسبيها وتمشى .. وتقولى ايه الغلس اوى ده ,,
اكيد انتى عارفه .. انتى ما بتشتريش الا من البياع اللى بيعرف يبيع .. وفى
نفس الوقت البضاعه كويسه لان كلها بياعين .. والشاطر هو اللى بيكسب فى
الاخر بس موش معنى كده انه عشان يبقى شاطر انه يبقى عشاش .. والكلام ده موش
ليكى طبعا .. الكلام ده للى بتغش فى بضاعتها .. وتبيع بضاعه ما تستاهلش
على انها احسن حاجه ... هى بس اهم حاجه كخلاصه للى انا قولته .. اعرفى انتى
ايه اللى ناقصك وكمليه واوعى تقفى فوق كتافك وتندهى وتقولى باتنين ونص
وتعالى بص واوعى برضه تدخلى جوا نفسك وتتقوقعى ولا حد يسمع بيكى ولا يشوفك
.. واوعى تصدقى ان مافيش حاجه اسمها نصيب . واللهى لو عملتى المستحيل .. هو
برضه نصيبك مكتوبلك .. واوعى تفتكرى ان فى حاجه اسمها اصطياد عريس .. ما
فيش سمكه بتتصاد وهى مبسوطه وما فيش برضه عريس حيتصاد .. وهو حاسس انه هو
بارادته بدون دعايه ولا مبالغه .. راح وطلب الحاجه دى .. عشان حتى عالاقل
.. لو طلعتى نص كم ومالكيش فى اى حاجه .. يبقى اسمه هو اللى اختارك بنفسه
ويتحمل نتيجه اختياره ولو برضه انتى كان مسأله الاختيار هى هدفك .. موش
حتيجى تقولى ياريتنى لانك انتى اللى اختارتى . واللهى انا جاي اقولهولك ده
بقولهولك عشان بس تختارى حياه اسعد .. انا شخصيا .. من ضمن ارائى انى لو ما
كنتش حبنى حياه قادمه فى حياتى عشان تضيفلى وتسعدنى .. مش عايز .. حنام
لوحدى واكل لوحدى واعمل كل حاجه لوحدى ... عالاقل .. العيشه فى انتظار
الموت اهون .. من الموت وانت لسه على قيد الحياه .. احسبيها كده حتقى انك
ارتاحتى جدا .. واول حاجه حتعمليها .. حتيجى ماسكه الكتاب ده لو عندك
رامياه فى الزباله .. وحتقولى انا مش محتاجه كتاب يخلينى اعرف اعيش .. انا
محتاجه بس اقرى كتابى انا .. وافهم انا ايه وانا مين .. واذا فهمت .. حعرف
ابين ده للاخرين ككل واكيد .. حييجى اللى حيلاقى فيا حاجه مميزه يحبها فيا
... ويحبنى بسببها بجد .. مش عشان كنت لابسه ضيق ولا لابسه احمر واخضر ولا
بتكلم بلسان معووج او بمعنى اصح .. بفكر بتفكير معووج ربنا يهدينى ويهديكم
للخير والسعاده .. وربنا يجعلنا لبعض دايما .. مناره نعلم بيها بعض
وياااااااارب انتو كولكو تتجوزو .. وانا لأ ,. وتعيشو فى احلى حياه فى
الدنيا بس انتو ابقو اعزمونى .. اهو حتى اتفرج ههههههههه .. واكيد انتظرو
منى موضوع تانى بقى على كتاب اكيد متوقع انه ينزل ... * كيف تصطادين عريسا
وتتزوجيه بالقهر * لان دى متهيالى انها حتكون فلسفه الحايه القادمه .. ردا
على زواج النساء بالقهر .. اللى كان بيحصل زمان.. وبالمناسبه الله يخليلنا
حكامنا ورجالتنا اللى مخليين الشباب والبنات فى قمه التفاؤل والرضا ..
ويارب المزيد والمزيد عشان ينفجرو .. يمكن ساعتها الحال يتغير تحياتى

ههههههههههههههه
يسلمووو ياحلوووة ع الموضوع

نصائح كيف تصطادين عريسا 925750

ميرسى يا عصفوره على النصائح
الغاليه دى بس والله موضوع
يجنن يسلمو يا عصفورة قلبى
*********************
تحياتى اميرة مملكت الاحزان
دموع
***

:ةشسهة: :ةشسهة: هههههههههههههههههههه

» نصيحة لكل فتاة كيف تصطادين عريساً وتحافظي عليه
» بعض نصائح د.إبراهيم الفقى
» *** نصائح رائعه بالصور ***