الطريقه المصريه لعمل الباميه

طريقة عمل البامية على الطريقة المصرية

المقادير

بصلة متوسطة الحجم

ملعقة سمن " بلدى " او نباتى" او زيت"

نص كيلوا بامية "متامعة" او جاهزة"

طماطم معصورة"صلصة طماطم " حسب الرغبة فى التسبيك"

5-6 فصاص ثوم

وملعقة كسبرة ناشفة

ملح وفلفل اسود حسب الرغبة وغالبا بتبقى ملعقة صغيرة فلفل اسود وملعقة متوسطة ملح


التحضير

اولا هننقشر البصلة ونغسلها ونقطعها قطع صغيرة نضع ملعقة سمن فى الحلة اللى هتعملى فيها البامية بتحطيها على النار تشوحى فيها البصلة كدة يعنى لحد لما لون البصلة يصفر شوى" اوعى تحريقها مش عايزين فضايح وحد يضحك علينا نبدا بقى نحط عصير الطماطم او صلة الطماطم حسب ما بنستخدم فى البيت حسب طبعا كمية التسبيكة بتاع البمية اللى عايزة تحط طماطم كتير تحط بس هتطلع متسبكة جامد وفى متوسط وفى بتحلها خفيفة تحط قليل من عصير الطماطم تسيبى الطماطم لما تبدا تقل شوى وتحسى انها اتسبكت بتحطى شوى ملح وشوى فلفل اسود حسب ما بتحطى فى الاكل لو قليل او كتير طبعا انتى بتدوقى وبتشوفيها مظبوطة والا لا اول لما تلاقى التقلية اتسبكت تروحى حاطة البامية وطبعا وهيا متامعة ومش عايزين فضايح فى الحلة وتحطى بقى على الاقل 4 كبشات شوربة وطبعا هتسيبها على النار شوى وطبعا تروحى جايبة الثوم ويفضل 6-8 فصاص ثوم متوسطين الحجم وتحطى عليهم كسبرة ناشفة وتطحينهم سواء فى الخلاط او بالمداق
ولما تحسى ان البامية قربت تستوى طبعا هتقوليلى ازاى اعرف هتطلعى واحدة وتدوسى عليها تشوفيها طريت والا لسة ناشفة تروحى حاطة الثوم ابو كسبرة فى الحلة وتسبيها تاخد قلبة على النار وتقفلى وتحطيها بقى وهيا سخنة فى طبق التقديم واان شاء الله تطلع حلوة

وبالهنا والشفا